Dehan Vithana [+94714470384]
dehan.vithana@yahoo.com
මිනිසා ගොඩබිම ආක්‍රමණය කළේය. අනතුරුව ජල තලය ආක්‍රමණය කළේය. හේ අනතුරුව ගුවනට ද පෙම් බැන්දේය. ඉක්බිති හෙතෙම පරිගණක යුගයට පිවිසුනේය. පරිගණකය හරහා ඔහු පියවර තැබුවේ සයිබර් අවකාශයට ය. දැන් හෙතෙම මිනිස් මොළය ක්‍රමාංකණය කරන්නට ප්‍රයත්න දරයි.
එකමත් එක කාලයක වානරයාගේ ක්‍රමික විකාශනය මිනිසා උද්භව විය. අනිත් සතුන්ගෙන් මිනිසා වෙනස් වුයේ ඔහු විවිධ මෙවලම් භාවිතයට හුරු පුරුදු වූ බැවිනි. මිනිසාගේ මේ මෙවලම් හරඹයේ කූඨප්‍රාප්තිය වනාහී පරිගණකය සොයා ගැනීමයි. පරිගණකයේ පරිණාමය විසින් එකමත් එක කාලයක ලෝකය මත කෘතිම බුද්ධිය බිහි කරනු ඇතැයි විද්‍යාඥයෝ අනාවැකි පළ කරති. ඉන් ඔබ්බට පුරෝකථනය කිරීමට තාමත් වේලාසන වැඩිය.
දෙවියන් වහන්සේ ලෝකය මෙවූහ. අනතුරුව තොරතුරු තාක්ෂණ විප්ලවය නිසා ලෝකය අලුතින් නිර්මාණය විය. දෙවියන් වහන්සේ මැවූ ලෝකයත්, මිනිසා මැවූ ලෝකයත් කොතෙක් දුරට එකිනෙක හා සම්පාත වනු ඇතිද? එය කතරට දියත්තක් වේද? නැතහොත් ස්වභාව ධර්මයා හා ජාතීන් අතර සංස්කෘතික අනන්‍යතාව වනසන මර උගුලක් වේද? අපි බලා හිදිමු.
No comments:
Post a Comment